Kryetari i Partisë Demokratike të Kosovës ka shkruar sot lidhur me takimin që ka pasur me të dërguarin e Bashkimit Evropian për dialogun Kosovë-Serbi, Miroslav Lajçak.

Krasniqi, në një postim në Facebook shkruan se Kosova nuk ka alternativë tjetër veç orientimit euro-atlantik.

“Në margjinat e Forumit Diplomatik të Antalisë, takova edhe të dërguarin e posaçëm të BE-së për dialogun ndërmjet Kosovës dhe Serbisë, Miroslav Lajçak.

Bashkë diskutuam për zhvillimet politike në Kosovë. Emisarit Lajçak i shpreha shqetësimin për masat ndëshkuese të BE-së ndaj Kosovës dhe kërkova nga ai që të luaj rol ndihmues për heqjen e tyre.

Orientimi euro-atlantik i qytetarëve dhe shtetit tonë është i paalternativë dhe i pakthyeshëm”, shkruan Krasniqi.

Burimi informacionit @BalkanWeb: Lexo me shume ne : Bota Sot News botasot.co