Duket e pabesueshme, por Liverpool dhe Arsenal bien të dyja brenda një ditë, duke i dhuruar një “asist” të pastër Man.City, me “qytetarët” që rikthyen në krye të Premier League, plus dy pikë në raport me ndjekësit. Disfata e Liverpool “djeg” jo pak, me të kuqtë që pësuan një humbje minimale 0-1 brenda në “Anfield”. Kjo ishte humbja e dytë radhazi brenda pak ditësh për të besuarit e Jurgen Klopp.
[embedded content]
Eze realizoi për Crystal Palace që në minutën e 14-të. Liverpool nisi më pas një ofensivë të vërtetë duke spostuar Crystal Palace në gjysmëfushë, por Nunes, Salah dhe pjesa tjetër e ekipit, nuk arritën për asnjë moment të riktheheshin në lojë, madje ishin dhe me fat ku Robertson shmangi një gol të sigurt në vijën fatale. Historia nuk ndryshoi as në pjesën e dytë, me të kuqtë që provuan në çdo formë të shmangin këtë humbje, por pa sukses.
[embedded content]
Nuk e priti mirë këtë humbje Jurgen Klopp, i cili ishte i sinqertë teksa theksoi se tashmë asgjë nuk është më në dorën e tyre: “Kemi humbur terren dhe natyrisht që tani nuk kemi asgjë në dorën tonë, por jam i bindur që nëse ne marrim maksimumin e pikëve, kundërshtarët do të ndalen. Edhe ata i pret një kalendar i ngjeshur dhe me shumë impenjime”, u shpreh Klopp.
[embedded content]
Një humbje të rëndë pësoi edhe Arsenal brenda në shtëpi përballë Aston Villas, një humbje e pastër 0-2 që i zbret nga kreu. Pas një pjesë të parë të mbyllur me rrjeta të paprekura, Aston Villa goditi Arsenal pikërisht atëherë kur nuk pritej, në fund, ku brenda tre minutash, 84-87 realizuan dy gola të shpejtë duke marrë një trepikësh që i vendos në vendin e katërt, plus tre pikë në raport me Tottenham.
[embedded content]
Arteta kërkon të harrojë sa më shpejt këtë humbje pasi në prag është ndeshja e kthimit kundër Bayern Munich: “Ne kemi mundësinë më të mirë për të reaguar ndaj Bayernit, të mërkurën. Ekipi duhet ta tregojë. Nëse dëshiron të fitosh, duhet t’i kapërcesh këto situata”, u shpreh Arteta pas ndeshjes.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
