Liverpool ka marrë një fitore të rëndësishme në Premier League, teksa ka mundur 1-4 Brentford në transfertë. The Reds e mbyllën pjesën e parë në epërsi, falë golit të Nunez në minutën e 35-të.
Skuadra e Jurgen Klopp insistoi për golin e sigurisë dhe e gjeti atë në të 55-tën minutë, me anë të Mac Allister. Pak më vonë, Salah thelloi shifrat. Sulmuesi Ivan Toney ngushtoi shifrat në të 75-tën, duke realizuar kështu golin e nderit. Në minutat e fundit pati kohë edhe për Gakpo, i cili vulosi shifrat në 1-4.
Me këtë rezultat, Liverpool renditet në vendin e parë me 57 pikë. Ndeshja e radhës është ndaj Luton, në shtëpi. Brentford renditet në vendin e 14-të me 25 pikë. Sfida e radhës është ndaj Cityt, në mesjavë.
(J.S/BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
