Ishte me të njëjtin trajner, Karlo Ançeloti, por në mes kanë kaluar njëmbëdhjetë vjet që kur Reali i Madridit arriti për herë të fundit në muajin prill të një sezoni me një shans për të fituar tripletën.
Domethënë, në finalen e Kupës së Mbretit, në çerekfinalet e Ligës së Kampioneve dhe tashmë një distancë prej tri pikësh nga Barcelona në La Liga, me të cilën ka mbetur edhe një “El Clasico” për të luajtur në kapmionat.
Hera e fundit që Reali ishte në të njëjtët pozita ishte në sezonin 2013- 14, në periudhën e parë të Ançelotit në skuadrën e bardhë, në të cilën ai përfundoi duke fituar Kupën (duke mposhtur Barcelonën (2-1) në finale), dhe Ligën e Kampionëve (duke mposhtur Atletikon (1-4) në finale), por jo titullin në La Liga – e fituar nga Atletiko e Madridit.
QËNDRUESHMËRIA, PIKA E DOBËT – Gjatë gjithë kësaj kohe në të cilën kanë ndërruar deri në katër trajnerë (Benitez, Zidan, Lopetegui, Solari dhe Zidan përsëri), Reali nuk ka mundur të mbajë ritmin e tri garave. Në fakt, Kupa e Mbretit ka qenë më e vështira për të, ku ka pësuar disfata.
PANORAMASPORT.AL
–> © Panorama.al Burimi informacionit @Panorama.al: Lexo me shume ne :bota sot botasot.co
