Pas deklaratave të tij të diskutueshme për luftën në Ukrainë, Presidenti francez Emmanuel Macron ka thirrur për herë të parë paraardhësit e tij, Nicolas Sarkozy dhe François Hollande në pallatin Elysée.
Raportohet se Macron do të presë ish-krerët e shtetit Sarkozy dhe Hollande të mërkurën në mbrëmje për të diskutuar me ta për situatën në Ukrainë.
Kjo nuk është hera e parë që Emmanuel Macron konsultohet me paraardhësit e tij. Në shkurt 2022, menjëherë pas pushtimit rus në territorin ukrainas, Presidenti i Francës u takua me Nicolas Sarkozy. “Rruga e dialogut, e diplomacisë është e vështirë, shpeshherë zhgënjyese, por nuk ka alternativë. Prandaj duhet të vazhdojmë në këtë rrugë”, deklaroi ish-kreu i shtetit.
Presidenti francez Macron e konsideroi “të nevojshme” të martën nga Praga për t’u bërë thirrje aleatëve të Ukrainës, duke u kërkuar atyre “të mos jenë frikacakë” përballë një Rusie “të pandalshme”.
I pyetur në lidhje me deklaratat e Emmanuel Macron , Ministri i Jashtëm Stéphane Séjourné pohoi të martën në mbrëmje, në një intervistë në LCI , se ishte e nevojshme “të mposhtet Rusia pa bërë luftë kundër Rusisë”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
