Suedia dhe Irani kanë kryer një shkëmbim të burgosurish, thanë zyrtarët, me Suedinë që ka liruar një ish-zyrtar iranian të dënuar për rolin e tij në një ekzekutim masiv në vitet 1980, ndërsa Irani liroi dy suedezë që mbaheshin atje.
Bëhet e ditur se shkëmbimi i të burgosurve është ndërmjetësuar nga Omani.
Suedia ka liruar ish-zyrtarin iranian Hamid Noury, i cili ishte dënuar për rolin e tij në një ekzekutim masiv të të burgosurve politik në Iran në vitin 1988.
Ndërsa Irani ka liruar shtetasit suedezë Johan Floderus dhe Saeed Azizi, shkruan Reuters, përcjell.
“Irani i përdori ata të dy si peng në një lojë negociatash cinike me qëllim që të lironin shtetasin iranian Hamid Noury nga burgu në Suedi. Ai është dënuar për krime të rënda të kryera në Iran në vitet 1980”, tha kryeministri suedez Ulf Kristersson.
“Si kryeministër kam një përgjegjësi të veçantë për sigurinë e qytetarëve. Prandaj qeveria ka punuar intensivisht për këtë çështje, së bashku me shërbimet e sigurisë që kanë negociuar me Iranin”, shtoi ai.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
