![“Mbështetja e Perëndimit për Izraelin, e mjerueshme”, Erdogan sulmon Netanyahun: I sëmurë mendor 2 mbeshtetja e perendimit per izraelin e mjerueshme erdogan sulmon netanyahun i semure mendor](https://botasot.co/wp-content/uploads/2024/06/mbeshtetja-e-perendimit-per-izraelin-e-mjerueshme-erdogan-sulmon-netanyahun-i-semure-mendor.jpg)
Presidenti turk, Rexhep Tayyip Erdogan bëri thirrje për mbështetje rajonale në Liban, duke deklaruar se Turqia qëndron në solidaritet me vendin, në vazhdën e tensioneve në rritje me Izraelin.
Duke folur në grupin e partisë së tij, ai tha se kryeministri izraelit Benjamin Netanyahu ka në plan të përhapë luftën në Gaza në rajon dhe se kjo do të ishte “katastrofike”. Ai e përshkroi gjithashtu mbështetjen e ofruar nga Perëndimi për Izraelin si “të mjerueshme” dhe Netanyahun një “të sëmurë mendor”.
“Kuptohet se Izraeli, i cili dogji dhe shkatërroi Gazën, tani i ka vënë sytë Libanit. Edhe pse fuqitë perëndimore para kamerave flasin ndryshe, ne shohim se në prapaskenë ata po e përkëdhelin pas shpine Izraelin dhe madje e mbështesin atë. Është jashtëzakonisht e dëshpëruar dhe e mjerueshme që shtetet, të cilat kur flasin për lirinë, të drejtat e njeriut dhe drejtësinë, janë robër të një pacienti mendor si Netanyahu”, tha ai.
(A.A/BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co