Gjithsej 107 persona, përfshirë tre fëmijë, mbeten në spital pas sulmit terrorist në sallën e koncerteve Crocus, tha zëvendëskryeministrja ruse Tatyana Golikova, duke shtuar se 15 nga pacientët janë në gjendje jashtëzakonisht kritike për jetën, dhe 42 të tjerë janë në gjendje të rëndë.
Ministria e Shëndetësisë raportoi më parë se 121 persona u plagosën si pasojë e të shtënave, por tha se 14 prej tyre nuk kishin nevojë për shtrim në spital.
Kujtojmë se mbrëmjen e kaluar salla e koncerteve Crocus në Moskë u sulmua nga një grup i armatosur prej 5 personash, të cilët hapën zjarr ndaj civilëve që ishin mbledhur për të ndjekur një koncert muzikor.
Nga akti i rëndë mbi 130 persona raportohet se kanë ndërruar jetë deri më tani, ndërsa autoritetet ruse kanë arrestuar 11 persona të dyshuar për përfshirje në ngjarjen e dhunshme.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
