Mbi 13% e të burgosurve ukrainas lirohen për të shërbyer në ushtri

Ligji ukrainas që lejon disa të burgosur të aplikojnë në Forcat e Armatosura të Ukrainës është përdorur nga 3611 të burgosur deri më tani.

“Analiza e regjistrit gjyqësor tregon se në tre muajt e fundit, 3611 të dënuar kanë përfituar tashmë nga kjo mundësi. Kjo është më shumë se 13 për qind e numrit të përgjithshëm të të dënuarve. Një brigadë speciale e Forcave të Armatosura të Ukrainës u krijua në burg”, raporton Ukrainska Pravda.

Deri më 15 maj, kishte 27,471 të dënuar në kolonitë dhe burgjet e Ukrainës, siç njoftoi Ministria e Drejtësisë e Ukrainës.

Numri më i madh i të burgosurve që pranuan të shërbenin në ushtri aplikuan në dy javët e fundit të muajit maj.

“Nëse analizojmë natyrën e krimeve të kryera nga ish-të burgosurit, shumica dërrmuese e tyre u dënuan për vjedhje, grabitje, sulm ose lëndim të rëndë trupor, përfshirë ato që shkaktuan vdekjen e viktimës”, thuhet në deklaratë.

Ndryshe, Rusia ka nisur pushtimin e pajustifikueshëm të shtetit ukrainas më 24 shkurt të vitit 2022.

Burimi informacionit @BalkanWeb: Lexo me shume ne : Bota Sot News botasot.co