Mbi 90 të vrarë nga protestat në Bangladesh

Të paktën 90 persona kanë vdekur të dielën në Bangladesh teksa policia u përlesh me protestuesit antiqeveritar.

Zyrtarët dhe mjekët nëpër spitale kanë njoftuar se numri i të vdekurve ka arritur në 94, raporton BBC-ja.

E diela është cilësuar si një nga ditët më vdekjeprurëse që nga fillimi i protestave.

Në mesin e të vrarëve janë edhe 13 policë, pasi mijëra protestues kanë sulmuar një stacion policor, kanë njoftuar autoritetet e rendit.

Protestat në Bangladesh kanë vazhduar për javë të tëra, me protestuesit që fillimisht kërkuan heqjen e kuotave në vendet e punës në shërbimin civil – por më vonë këto u kthyen në thirrje për dorëheqjen e kryeministrit, Sheikh Hasina.

Vendi aktualisht po përgatitet për demonstrata të reja të hënën, megjithëse është vendosur një shtetrrethim mbarëkombëtar dhe shërbimet celulare të internetit janë mbyllur në disa pjesë të vendit.

Nga këto përleshje të paktën 10 mijë persona janë arrestuar, përfshirë edhe mbështetës të opozitës dhe studentë.

Burimi informacionit @BalkanWeb: Lexo me shume ne : Bota Sot News botasot.co