![Më shumë se 300 ditë nën robërinë e Hamasit, 52-vjeçari i rrëmbyer në sulmin e 7 tetorit rikthehet në shtëpi 2 me shume se 300 dite nen roberine e hamasit 52 vjecari i rrembyer ne sulmin e 7 tetorit rikthehet ne shtepi](https://botasot.co/wp-content/uploads/2024/08/me-shume-se-300-dite-nen-roberine-e-hamasit-52-vjecari-i-rrembyer-ne-sulmin-e-7-tetorit-rikthehet-ne-shtepi.jpg)
Forcat izraelite të mbrojtjes (IDF) deklaruan të martën se shpëtuan 52-vjeçarin Qaid Farhan Alkadi nga një tunel në Rripin e Gazës.
IDF tha se kreu një “operacion kompleks” për të garantuar “shpëtimin” e Alkadi pas 326 ditëve në robëri.
Por media të ndryshme raportojnë se Alkadi – një arab izraelit dhe anëtar i komunitetit beduin – shpëtoi vetë nga burgimi, ndërsa Hamasi thotë se e “liroi”.
Duke u përballur me presionin në rritje nga politikanët dhe izraelitët protestues, kryeministri izraelit Benjamin Netenyahu tha nga Jeruzalemi se ai “përgëzoi” IDF-në për “operacionin e suksesshëm të çlirimit” dhe se qeveria punoi “pa u lodhur” për të kthyer të gjithë pengjet.
“Ne e bëjmë këtë në dy mënyra kryesore: përmes negociatave dhe operacioneve të shpëtimit,” tha ai.
“Të dyja mënyrat së bashku kërkojnë praninë tonë ushtarake në terren dhe presionin e pandërprerë ushtarak ndaj Hamasit. Ne do të vazhdojmë të veprojmë kështu derisa t’i sjellim të gjithë në shtëpi.”
Dhjetëra pengje mbeten në robëri pavarësisht përpjekjeve ndërkombëtare për të ndërmjetësuar një armëpushim dhe për të siguruar lirimin e tyre.
Ministria e Shëndetësisë e Gazës thotë se ofensiva e Izraelit ka vrarë më shumë se 40,000 njerëz në Gaza.
Lufta filloi kur militantët e udhëhequr nga Hamas hynë në jug të Izraelit më 7 tetor, duke vrarë rreth 1200 njerëz, kryesisht civilë dhe duke rrëmbyer rreth 250 njerëz.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co