Presidenti i SHBA-së Joe Biden ka thënë se Shërbimi Sekret po e ndalon atë të dalë në turma teksa ai kërkon të mbështesë kandidaten demokrate për presidente, Kamala Harris në fushatë.

“Unë nuk jam në gjendje të dal më në turma. Shërbimi Sekret nuk më lejon,” u tha Biden gazetarëve në Shtëpinë e Bardhë pasi u kthye nga shteti i Pensilvanisë të hënën vonë. “Ata thonë se është shumë e rrezikshme. Askush nuk mund të dalë.”

Shërbimi Sekret është agjencia federale që ka për detyrë të garantojë sigurinë e presidentëve të Amerikës, si ata të ulur ashtu edhe të mëparshëm, si dhe të nominuarve presidencialë gjatë viteve të zgjedhjeve.

New York Times raportoi më 15 gusht se agjencia shtoi detajet mbrojtëse për ish-presidentin Donald Trump pas një atentati ndaj tij në korrik. Kjo përfshinte ricaktimin e agjentëve nga ekipi i Bidenit te Trump.

Trump u plagos lehtë gjatë të shtënave të 13 korrikut, por shpejt iu kthye fushatës.

Burimi informacionit @BalkanWeb: Lexo me shume ne : Bota Sot News botasot.co