Burime izraelite kanë bërë të ditur se në orët e ardhshme pritet të sjellin një ri-organizim të qeverisë që përfshin shkarkimin e ministrit të Mbrojtjes, Yoav Gallant, transmeton Anadolu.

Transmetuesi publik izraelit KAN citoi burime të informuara që thanë se negociatat janë duke u zhvilluar midis zyrës së kryeministrit Benjamin Netanyahy dhe kreut të partisë së krahut të djathtë ‘Shpresa e Re’, Gideon Sa’ar, për të zëvendësuar ministrit Gallant, i cili thuhet se ka qenë në mosmarrëveshje me Netanyahu-n.

Sonte, sipas të përditshmes ‘Yedioth Ahronoth’, qindra izraelitë u mblodhën para shtëpisë së Sa’ar-it në Tel Aviv duke protestuar ndaj perspektivës që ai t’i bashkohet qeverisë për shkak të refuzimit të marrëveshjes së shkëmbimit të të burgosurve me grupin palestinez Hamas.

Gallant ka qenë nën kritikat e aleatëve të krahut të djathtë të Netanyahu-t, duke përfshirë ministrin e Sigurisë Kombëtare të ekstremit të djathtë, Itamar Ben-Gvir.

Së fundmi, mediat izraelite raportuan mosmarrëveshje të thella midis Netanyahu-t dhe zyrtarëve të lartë të sigurisë, përfshirë Gallant-in, i cili thotë se është koha e duhur për një armëpushim në Gaza, në kundërshtim me Netanyahu-n, i cili këmbëngul në vazhdimin e luftës dhe mbajtjen e kontrollit të zonës kufitare Gaza-Egjipt, e njohur si Korridori i Filadelfit.

Pavarësisht rezolutës së Këshillit të Sigurimit të OKB-së që bën thirrje për një armëpushim të menjëhershëm, Izraeli ka vazhduar ofensivën brutale në Rripin e Gazës pas një sulmi nga grupi palestinez Hamas më 7 tetor të vitit të kaluar.

Që atëherë, të paktën 41 mijë njerëz janë vrarë në Gaza, kryesisht gra dhe fëmijë, si dhe mbi 95.400 janë plagosur nga ofensiva gati njëvjeçare e Izraelit. Sulmi izraelit ka zhvendosur pothuajse të gjithë popullsinë e territorit mes një bllokade të vazhdueshme që ka çuar në mungesa të mëdha të ushqimit, ujit të pastër dhe ilaçeve.

Burimi informacionit @BalkanWeb: Lexo me shume ne : Bota Sot News botasot.co