“Meritat dhe kritikat e Sylvinhos”, Duro në “Euro 24”: Ndaj Spanjës pa ngarkesë, imazhi i Shqipërisë është rritur

meritat dhe kritikat e sylvinhos duro ne euro 24 ndaj spanjes pa ngarkese imazhi i shqiperise eshte rritur

Trajneri i njohur, Shpëtim Duro, i ftuar në News 24, në emisionin “Euro 24”, të drejtuar nga Trevisa Tufa u shpreh se barazimi me Kroacinë ka rritur imazhin e Shqipërisë dhe se kuqezinjtë me këto paraqitje deri më tani, e kanë arritur misionin e vet. Sipas tij, ndaj Spanjës nuk duhet të jemi të ngarkuar.

“Kur ka patur merita Sylvinho, e kemi thënë. Por ne edhe mund të kritikojmë. Përse nuk u fut Daku apo Hoxha më herët? Mos të harrojmë, që Sylvinho i mori. Ato që kritikojnë Sylvinhon në Kosovë, aty e kishin Hoxhën, përse nuk e aktivizuan? Merita është e trajnerit, edhe për Mitajn dhe Asanin. Ndeshja më e mirë e Sylvinhos nuk ishte kjo, por arritja në grupet e Europianit.

Nuk duhet të ngarkohemi ndaj Spanjës. Jemi në moment të mirë, nuk e kemi fitoren me patjetër. Nuk duhet të ushtrojmë presion. Ndeshja ndaj Kroacisë rriti imazhin e Shqipërisë” –tha ai.

[embedded content]