![Merkato/ Kukësi “tundohet”, ofertë e majme për Salamin nga Izraeli 2 merkato kukesi tundohet oferte e majme per salamin nga izraeli](https://botasot.co/wp-content/uploads/2024/08/merkato-kukesi-tundohet-oferte-e-majme-per-salamin-nga-izraeli.jpg)
Mustapha Salami me shumë gjasa do të largohet nga skuadra e Kukësit. Për nigerianin ka një ofertë zyrtare në ‘tavolinën’ e drejtuesve të Kukësit.
100 mijë euro është oferta e mbërritur për Salamit nga skuadra izraelite, Bnei Yehuda. Këto të fundit kërkojnë me ngulm 22-vjeçarin, ndërsa presin një përgjigje nga verilindorët. Gjithashtu vlen të theksohet se kjo është oferta e dytë që vjen nga izraelitët, pasi ekipi i Kukësit ka refuzuar fillimisht 50 mijë euro për Salamin.
Një ofertë e tillë ka tunduar Kukësin, pasi nigeriani ka edhe një vit kontratë dhe është mundësia e vetme për të përfituar nga shërbimet e tij. Ditët e ardhshme do të jenë vendimtare për këtë operacion, me verilindorët që me paratë e fituara na shitja e Salamit, mund të përforcojnë ekipin për sezonin e ri, ku do të luajnë në Kategorinë e Parë.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co