Bashkimi Evropian pritet të nisë të martën në Luksemburg konferencat e para ndërqeveritare me Ukrainën dhe Moldavinë.

Zëvendëskryeministrja për Integrimin Evropian dhe Euroatlantik, Olga Stefanishyna do ta udhëheqë delegacionin e Ukrainës në konferencën që shënon hapjen zyrtare të bisedimeve, për të përafruar ligjet dhe standardet e vendit me ato të bllokut 27-vendesh.

Disa orë më vonë, Moldavia, e cila aplikoi për t’u bashkuar me BE-në pas pushtimit rus të Ukrainës në shkurt të 2022-s dhe iu dha statusi i kandidatit katër muaj më vonë, do të marrë pjesë në një konferencë të veçantë ndërqeveritare për të nisur zyrtarisht procesin e anëtarësimit në bllok.

Konferencat ndërqeveritare të së martës shënojnë nisjen e bisedimeve, por negociatat nuk kanë gjasa të fillojnë edhe disa muaj.

Vendet kandidate duhet t’i përafrojnë ligjet dhe standardet e tyre në përputhje me ato të BE-së në 35 fusha të politikave, të njohura si kapituj, duke filluar nga lëvizja e lirë e mallrave, taksat, energjia dhe mjedisi, deri te të drejtat dhe siguria.

Në kufi me anëtarët e BE-së, Poloninë, Sllovakinë, Hungarinë dhe Rumaninë, Ukraina do ta kapërcejë Francën për t’u bërë kështu anëtari më i madh i bllokut, nëse bashkohet.

Si prodhues kryesor i drithërave, anëtarësimi i Ukrainës do të kishte një ndikim të madh në politikën bujqësore të BE-së.

Së bashku me Moldavinë, Ukraina qëndron në linjë të gjatë shpresash për anëtarësim në BE, së bashku me Shqipërinë, Bosnjë dhe Hercegovinën, Gjeorgjinë, Malin e Zi, Maqedoninë e Veriut, Serbinë dhe Turqinë.

Ukraina aspiron të anëtarësohet deri në vitin 2030, por duhet të procedojë së pari dhjetëra reforma institucionale dhe ligjore. Kjo listë udhëhiqet nga hapat për të luftuar korrupsionin dhe përfshin reforma të gjera në administratën publike dhe gjyqësorin.

Burimi informacionit @BalkanWeb: Lexo me shume ne : Bota Sot News botasot.co