Kryeministri izraelit, Benjamin Netanyahu do të mbajë një fjalim historik në Kongresin Amerikan sot, duke u përpjekur të mbledhë mbështetje në një kohë tensioni midis vendit të tij dhe mbështetësit kryesor ushtarak për luftën në Gaza.
Uashingtoni ka kritikuar gjithnjë e më shumë numrin në rritje të viktimave civile, ndërsa protestat në Izrael nga familjet e pengjeve të marra nga Hamasi po shkaktojnë probleme edhe për Netanyahun. Vizita e kryeministrit izraelit vjen në një kohë trazirash politike në Shtetet e Bashkuara, ku një person i armatosur tentoi të vriste kandidatin republikan Donald Trump dhe me Presidentin Joe Biden që u tërhoq nga gara për Shtëpinë e Bardhë në 2024 dhe mbështeti zëvendësin e tij, Kamala Harris.
Para se të largohej nga Izraeli të hënën, Netanyahu tha se do të “kërkonte të ankoronte mbështetjen dypartiake që është kaq e rëndësishme për Izraelin” në fjalimin e tij në Kongres. “Unë do t’u them miqve të mi në të dy anët e rreshtit se pavarësisht se kë zgjedh populli amerikan si presidentin e tyre të ardhshëm, Izraeli mbetet aleati i domosdoshëm dhe i fortë i Amerikës në Lindjen e Mesme,” tha ai në një deklaratë.
Vizita e tij në SHBA u prit me protesta. “Rreth 200 persona u arrestuan për demonstrimin brenda ndërtesës së Cannon House. Demonstrimi brenda ndërtesave të Kongresit është i paligjshëm”, tha Policia e Kapitolit përmes një njoftimi në X. Sakaq, edhe sot priten protesta.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
