Konservatorët britanikë kanë pësuar një humbje të thellë në zgjedhje dhe qeveria e re e Britanisë së Madhe do të formohet nga Partia Laburiste.

Me gjithë këtë kolaps e partisë së saj, Alicia Kearns arriti ta mbajë vendin e saj në parlament. Alicia Kearns fitoi vendin e zgjedhjeve të përgjithshme në Rutland dhe Stamford me 21,248 vota ose 44 për qind. Ajo është përfaqësuesja e parë në zonën e sapoformuar, e krijuar gjatë rishikimit të kufirit të vitit të kaluar.

“Në katër vitet e fundit, unë nuk kam marrë asnjë pjesë të komunitetit tonë si të mirëqenë dhe në prag të zgjedhjeve nuk mund të kishim bërë më shumë. Ne trokitëm në dyer e të gjithëve pavarësisht kushteve të motit – breshër dhe djegie nga dielli. Pesëdhjetë për qind e zonës elektorale është një zonë e re dhe e vështirë për mua kur njerëzit nuk e dinë se kush je”, tha Kearns.

Numri total i votave në atë zonë ishte nga të cilat 170 fletë votimi me defekt. Në zgjedhjet e dhjetorit 2019, Kearns fitoi vendin e Melton dhe Rutland me 63 për qind të votave. Në mandatin e mëparshëm, Kearns ishte kryetare e Komisionit për Punë të Jashtme të Dhomës së Komunave të Parlamentit të Britanisë së Madhe dhe shpesh komentonte ngjarjet politike në Kosovë.

Ajo gjithashtu zhvilloi një sërë takimesh me zyrtarë politikë të Kosovës, duke përfshirë presidentin Vjosa Osmani dhe kryeministrin Albin Kurti.

Në aktivitetet e saj, ajo vazhdimisht theksoi rreziqet e destabilizimit në Ballkan dhe shprehu mbështetjen për Kosovën, shkruajnë mediat e Kosovës.

Kujtojmë se më 4 korrik, ajo deklaroi në parlamentin britanik se serbët po i kontrabandonin armët nga Serbia në Kosovë me autoambulanca dhe se ato “deponohen” në ambientet e Kishës Ortodokse Serbe.

#RutStamElection result: Alicia Kearns has been elected with 21,248 votes

Emma Baker (Green) 2,806⁰Joanna Burrows (Rejoin EU) 409⁰Chris Clowes (Reform UK) 7,008 ⁰Alicia Kearns (Conservative) 21,248⁰James Moore (Lib Dem) 6,252⁰Joe Wood (Labour) 10,854…

— Rutland Council (@rutlandcouncil) July 5, 2024

“Në Qeveri [të Britanisë së Madhe] janë të vetëdijshëm, me ushtarët që sapo janë kthyer nga shërbimi në KFOR, se armët po kontrabandohen përmes kufirit në kishat ortodokse me autoambulanca. Kur trupat tona përpiqen të marrin leje për të shkuar t’i marrë ato, lejet zgjasin shumë. Deri në momentin që merret leja, shih befasinë, autoambulanca shfaqet në kishë dhe nxjerr përsëri armët”, kishte pohuar Kearns.

Burimi informacionit @BalkanWeb: Lexo me shume ne : Bota Sot News botasot.co