Milan “i prish punë” Juventusit për lojtarin e Lazios, futet në garë për transferimin me kosto zero

E ardhmja e Felipe Anderson mbetet një çështje aktuale, si te Lazio, ashtu edhe te shumë klube, të interesuara për nënshkrimin e anësorit brazilian, kontrata e të cilit me klubin kryeqytetas do të përfundojë në qershor të këtij viti.

Lojtari dhe agjenti i tij do të takohen përsëri me Lotiton dhe drejtuesit e klubit, për të kuptuar kufijtë dhe mundësitë e një zgjatjeje të bashkëpunimit. Gjithsesi, për momentin distanca midis ofertës dhe kërkesës është ende e madhe. Prandaj, diçka e tillë ka zgjuar interesimin e shumë skuadrave, që eduan Felipe Anderson me kosto zero në fund të këtij sezoni.

Në Itali emri i tij është lidhur mbi të gjitha me Juventusin, klub i cili prej javësh po punon për transferimin, por sipas Il Messaggero, në garë ka hyrë edhe Milan.

(J.S/BalkanWeb)

Burimi informacionit @BalkanWeb: Lexo me shume ne : Bota Sot News botasot.co