Milan është gati për nisjen e kampionatit. Në ndeshjen e fundit miqësore para fillimit të sezonit të ri për Milanin ka qenë e veçantë, pasi e ka vënë atë përballë Monzës për trofeun “Berluskoni” që i kushtohet ish-presidentit të ndarë nga jeta të të dy këtyre dy skuadrave. Trofeu “Berluskoni” i fundit i zhvilluar ka qenë ai i vititi 2021 i organizuar nga Monza, në kohën kur Silvio ishte president i Monzës, ndërsa Milan kishte organizuar për herë të fundit këtë trofe në vitin 2015, në një derbi përballë Interit, të cilin zikaltrit e fituan 1-0.
Në këtë sfidë tifozët kuqezinj prezantuan përpara nisjes së garës edhe blerjet më të fundit. Padyshim e gjithë vëmendja ishte tek kampioni i sapo shpallur i Evropës Alvaro Morata, i cili u aktivizua nga Fonseca që prej minutës së parë.
Sa për kronikë, kuqezinjtë e fituan ndeshjen 3-1. Fillimisht ishte Salmakers i dha avantazhin “Djallit” falë një devijimi të Mari në portën e vet dhe më pas ishte Daniel Maldini ai i cili shënoi për Monzën ndaj skuadrës nga e cila doli si futbollist.
Në pjesën e dytë, skuadrat ndryshuan thuajse plotësisht dhe cilësia e stolit të Milanit ishte ajo që bëri diferencën me Joviç e Reijnders që tundën rrjetën Brenda 12 minutave të para të pjesës së dytë, duke i dhuruar kuqezinjve suksesin 3-1 në këtë miqësore simbolike.
[embedded content]
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
