Ministri i Brendshëm Ervin Hoxha priti në një takim kortezie Ambasadorin e Italisë në Tiranë, Fabrizio Bucci, i cili së pari, e përgëzoi për detyrën e rëndësishme të marrë. Palët konfirmuan edhe njëherë afërsinë mes dy vendeve mike.
Ministri Hoxha pohoi se ka qenë dhe është dëshmitar i bashkëpunimit të frytshëm me shtetin italian në çdo fushë, duke nisur nga siguria publike, deri tek mbështetja që Italia i jep Shqipërisë në rrugëtimin për anëtarësim në BE.
![Ministri i Brendshëm pret në takim ambasadorin italian, fokusi i bisedës te… 2 Ervin Hoxha1](https://botasot.co/wp-content/uploads/2024/08/ministri-i-brendshem-pret-ne-takim-ambasadorin-italian-fokusi-i-bisedes-te.jpg)
Ambasadori italian theksoi gjatë takimit të parë, kënaqësinë për bashkëpunimin dhe rezultatet e arritura kryesisht në luftën kundër krimit të organizuar. Hoxha shprehu gatishmërinë maksimale të Ministrisë së Brendshme dhe Policisë së Shtetit, për t’i çuar përpara të gjitha proceset që kërkojnë vëmendjen e tij me bindjen e plotë se bashkëpunimi do të vazhdojë të jetë në nivelet më optimale.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co