Ministri i Jashtëm iranian Hossein Amir-Abdollahian paralajmëroi se Teherani do ta bënte Izraelin të “pendohet” për çdo sulm ndaj vendit.

Sulmi i parë i drejtpërdrejtë i Teheranit ndaj Izraelit gjatë fundjavës erdhi pas një sulmi vdekjeprurës në konsullatën iraniane në Damask, për të cilin fajësohet gjerësisht Izraeli. Pothuajse të gjitha predhat u kapën përpara se të arrinin objektivat e tyre.

“Mbrojtja legjitime dhe kundërmasat e Iranit kanë përfunduar. Prandaj, regjimi terrorist izraelit duhet të detyrohet të ndalojë çdo aventurizëm të mëtejshëm ushtarak kundër interesave tona,” i tha ministri Këshillit të Sigurimit të OKB-së gjatë një takimi për Lindjen e Mesme.

“Në rast të përdorimit të forcës nga ana e regjimit izraelit dhe shkeljes së sovranitetit tonë, Republika Islamike e Iranit nuk do të ngurrojë aspak për të kërkuar të drejtat e saj të qenësishme, për t’i dhënë një përgjigje vendimtare dhe të duhur, për ta bërë regjimin të pendohet për veprimet.”

Zyrtarët izraelitë nuk kanë thënë se kur dhe ku do të hakmerren, por shefi ushtarak i vendit është zotuar për një përgjigje.

Amir-Abdollahian i quajti veprimet e Iranit “të kufizuara dhe proporcionale”, duke shtuar se deri vonë, Teherani kishte treguar “përmbajtje të konsiderueshme”.

(A.A/BalkanWeb)

Burimi informacionit @BalkanWeb: Lexo me shume ne : Bota Sot News botasot.co