Ministria e Shëndetësisë e Gazës e ka përshkruar gjendjen e rëndë në Spitalin Nasser në qytetin Khan Younis në Rripin jugor të Gazës si “të padurueshme”.
“Situata në spital është e padurueshme dhe përbën një rrezik real për jetën e stafit mjekësor dhe pacientëve,” tha zëdhënësi i ministrisë Ashraf al-Qudra në një deklaratë.
Ai tha se mjekët nuk janë në gjendje të ofrojnë kujdes mjekësor për pacientët për shkak të mungesës së oksigjenit, ujit dhe furnizimeve mjekësore.
“Okupimi ende po vonon evakuimin e 110 pacientëve të tjerë që janë ende në spital”, shtoi ai.
Zëdhënësi tha se tonelata mbeturinash janë grumbulluar në të gjithë kompleksin mjekësor.
Ai u bëri thirrje institucioneve ndërkombëtare që të rrisin presionin ndaj Izraelit “për të ndalur militarizimin e spitalit dhe për të ofruar nevoja mjekësore dhe humanitare për pacientët dhe stafin mjekësor”.
Një zyrtar i OKB-së për Koordinimin e Çështjeve Humanitare (OCHA) tha se Spitali Nasser është bërë një “vend vdekjeje”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
