Zhvillimet në Lindjen e Mesme janë me ritme të shpejta, ku një sulm në shkallë të gjerë nga Irani ndaj Izraelit pritet “brenda ditësh” si hakmarrje për vrasjen e Ismail Haniya. Siç njoftoi Komanda Qendrore e SHBA në një deklaratë, Sekretari amerikan i Mbrojtjes Lloyd Austin urdhëroi aeroplanmbajtësen USS Abraham Lincoln të “përshpejtojë” vendosjen e saj në Lindjen e Mesme, pasi shqetësimi se një sulm është i afërt dhe vazhdon të intensifikohe. Kështu njoftoi Pentagoni dje.
Gjenerali Austin urdhëroi forcën sulmuese USS Abraham Lincoln, e cila mbart luftëtarët F-35C, të lëvizë më shpejt, tha zëdhënësi i Pentagonit, Pat Ryder, për shkak të rrezikut të një sulmi në shkallë të plotë nga Hezbollahu libanez i mbështetur nga Irani, ose drejtpërdrejt nga vetë ky i fundit.
Austin, i cili zhvilloi bisedime me homologun e tij izraelit Yoav Gallad dje, urdhëroi gjithashtu që nëndetësja me raketa bërthamore USS Georgia të vendoset në zonë.
Secretary of Defense Austin has ordered the USS ABRAHAM LINCOLN Carrier Strike Group, equipped with F-35C fighters, to accelerate its transit to the Central Command area of responsibility, adding to the capabilities already provided by the USS THEODORE ROOSEVELT Carrier Strike…
— U.S. Central Command (@CENTCOM) August 12, 2024
Kujtojmë se më herët ministri izraelit i Mbrojtjes, gjatë bisedës së tij me Austin, theksoi se përgatitjet ushtarake iraniane tregojnë se Irani synon të nisë një sulm në shkallë të gjerë ndaj Izraelit.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
