Policia angleze është në gjurmët e Kyle Clifford, një 26-vjeçar i dyshuar për vrasjen e tre grave mbrëmjen e djeshme, të martën 9 korrik, në një shtëpi në Bushey, Hertfordshire, një qark në veri të Londrës. Kërkimi vijon prej disa orësh, ku oficerët shkojnë shtëpi më shtëpi duke kërkuar informacion nga banorët për vrasjen e trefishtë. Ndërkohë, autoritetet kanë lëshuar një deklaratë në të cilën qytetarët urdhërohen që të mbajnë larg të dyshuarin, i cili sipas informacioneve të fundit mund të jetë i armatosur me hark.
Thirrja në polici erdhi rreth orës 19:00: oficerët që mbërritën në lagjen Ashlyn Close gjetën tre gra në gjendje shumë të rëndë. Ndërhyrja e shpëtimit rezultoi e padobishme, tre viktimat, të gjithë të së njëjtës familje, vdiqën në vendin e ngjarjes. Që nga ai moment filloi kërkimi i Clifford, i cili mund të ishte i armatosur dhe i rrezikshëm, siç nënvizoi policia: “duke pasur parasysh seriozitetin e ngjarjes, kërkojmë nga cilido që e di se ku ndodhet të kontaktojë menjëherë policinë. Nëse mendoni se e shihni, ju lutemi mos iu afroni atij dhe telefononi menjëherë 999. Ai mund të ketë ende një armë.”
Have you seen Kyle Clifford? 🚨
Following a triple murder in #Bushey yesterday (Tues 9 July) we’re seeking Clifford in connection with the incident.
He could be in #Hertfordshire or North #London. He may be in possession of a crossbow, do not approach.https://t.co/7KonpBsLiB pic.twitter.com/C8nHkXLQy6
— Herts Police (@HertsPolice) July 10, 2024
“Ne jemi ende në fazat e hershme të hetimit, por ne besojmë se Clifford mund të jetë në zonën Hertfordshire ose në veri të Londrës”, tha Rob Hall i njësisë kryesore kundër krimit në Bedfordshire, Cambridgeshire dhe Hertfordshire. Përveç ftesës së banorëve që të qëndrojnë larg të dyshuarit, oficerët kërkojnë nga kushdo që ka informacion se çfarë ka ndodhur të kontaktojë me numrat e urgjencës: “Duke pasur parasysh seriozitetin e incidentit, kushdo që e di se ku ndodhet i dyshuari duhet të kontaktojë menjëherë policinë”.
Siç është raportuar nga BBC , një fqinj 46-vjeçar tha se dëgjoi të tre gratë duke bërtitur: “Ata dukeshin si fëmijë, dikush duke bërtitur, më pas zhurma u bë më e fortë dhe mendova ‘kjo është padyshim një grua që bërtet’, dhe brenda 15 minutave kishte kaos absolut”. “Është tragjike dhe e tmerrshme”, nënvizoi një tjetër banor në zonën e Ashlyn Close, një lagje tashmë e “rrethuar” dhe totalisht e bllokuar nga ndërhyrja masive e policisë, ndërsa banorët, kryesisht pensionistë, janë të tronditur.
🚨
Police are searching for 26 year old Kyle Clifford after three women died following serious injuries at Ashlyn Close in Bushey
Police say he could be in the Hertfordshire or North London area, and could still be armed
It’s believed the three women killed were related@LBC pic.twitter.com/wwnQeitScL
— Henry Riley (@HenryRiley1) July 10, 2024
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
