![Moska paralajmëron: Marrëdhëniet mes Rusisë dhe NATO-s, më keq se në kohën e Luftës së Ftohtë 2 moska paralajmeron marredheniet mes rusise dhe nato s me keq se ne kohen e luftes se ftohte](https://botasot.co/wp-content/uploads/2024/04/moska-paralajmeron-marredheniet-mes-rusise-dhe-nato-s-me-keq-se-ne-kohen-e-luftes-se-ftohte.jpg)
Gjendja aktuale e marrëdhënieve midis Rusisë dhe NATO-s mund të përshkruhet si “më e keqe se gjatë Luftës së Ftohtë”, tha kreu i delegacionit të Moskës në bisedimet e Vjenës për sigurinë ushtarake dhe kontrollin e armëve, Konstantin Gavrilov.
Gjatë një interviste, Gavrilovit iu kërkua të komentonte deklaratën e shkurtit të presidentit francez Emmanuel Macron se ai “nuk mund të përjashtojë” mundësinë e dërgimit të trupave nga vendet e NATO-s në Ukrainë për të ndihmuar Kievin në konfliktin me Moskën.
“Strategët ushtarakë në Uashington dhe Bruksel duhet të kuptojnë: nëse duke hequr tabunë për dislokimin e mundshëm të ushtarakëve të bllokut në Ukrainë ata po përpiqen të testojnë fuqinë e vendit tonë, atëherë ne jemi gati për çdo kthesë të ngjarjeve,” u përgjigj ai.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co