![Moti i keq ‘mbërthen’ Italinë, alarm i kuq për dy zona. Përmbytje dhe lumenj të dalë nga shtrati, një i vdekur 2 moti i keq mberthen italine alarm i kuq per dy zona permbytje dhe lumenj te dale nga shtrati nje i vdekur](https://botasot.co/wp-content/uploads/2024/06/moti-i-keq-mberthen-italine-alarm-i-kuq-per-dy-zona-permbytje-dhe-lumenj-te-dale-nga-shtrati-nje-i-vdekur.jpg)
Moti i keq ka ‘mbërthyer’ disa zona në Itali, duke shkaktuar një viktimë. Si pasojë e reshjeve të dendura të shiut në zonën e Parmës, një 85-vjeçar humbi jetën pas vërshimit të përroit të Terminës. Trupi i tij u gjet nga zjarrfikësit rreth orës 20:00 në Lido Valtermina, në komunën e Traversetolo. Burri u kap mat nga rrjedha e ujit jashtë banesës së tij dhe nuk mundi që të shpëtonte.
Moti i keq ka shkaktuar edhe përmbytje të disa përrenjve dhe kanaleve. Lumenjtë dolën nga shtrati papritmas, nga Apeninet në fushën midis Modenës dhe Piacenza, ku është dhënë alarmi i kuq, duke detyruar ata që rrezikohen, që të largohen nga banesat.
Dhjetëra rrugë janë bllokuar nga rrëshqitjet e dheut dhe balta në kodra dhe male, ndërsa përmbytje janë shënuar në katet e poshtme të banesave dhe janë shembur ura të vogla.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co