![Ndërron jetë në moshën 117-vjeçare gruaja më e moshuar në botë 2 nderron jete ne moshen 117 vjecare gruaja me e moshuar ne bote](https://botasot.co/wp-content/uploads/2024/08/nderron-jete-ne-moshen-117-vjecare-gruaja-me-e-moshuar-ne-bote.jpg)
SPANJE
Maria Branyas, e cila konsiderohet si personi më i moshuar në botë ka ndërruar jetë në moshën 117-vjeçare. Lajmin e hidhur e dhanë vetë familjarët e të moshuarës në një mesazh në platformën X.
“Maria vdiq ashtu siç dëshironte, në gjumë e qetë dhe pa dhimbje”- shkruhej në njoftim. 117-vjecarja prej shumë vitesh jetonte në shtëpinë e saj në Santa Maria di Tura ad Olot, Katalonja.
Gjithashtu ata kujtojnë dhe fjalët e saj. “Vdekja do të më gjejë të lodhur duke jetuar kaq shumë, por dua të kujtohem e buzëqeshur, e lirë dhe e kënaqur”.
Maria Branyas lindi më 4 mars 1907 në San Francisco. Ajo i kishte thyer të gjitha rekordet për jetëgjatësinë e saj duke mundur dhe japonezen Tomka Itooka, e lindur më 23 mars 1908. Maria në moshën 113-vjecare kishte kaluar dhe Covid-19.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co