Reali arriti një fitore dramatike ndaj Valencias, duke triumfuar me shifrat 1 me 2. Vendasit po fitonin me rezultatin 1-0, ndërsa fitorja u duk më e sigurt pasi Vinicius Zhunior, u ndëshkua me karton të kuq në minutën e 79.
Por edhe pse me 10 lojtarë, madrilenët arritën të përmbysnin gjithçka. Modric në minutën e 85 dhe Bellingham në minutën e fundit i dhanë tre pikët Real Madrid në këtë takim.
Por ajo që ka marrë vëmendjen e të gjithëve është ndëshkimi me karton të kuq i Vinicius Zhunior, pas sjelljes antisportive ndaj portierit kundërshtar. Në lidhje me këtë ka reaguar edhe trajneri i Realit, Karlo Ançeloti, i cili i ka dalë në mbrojtje yllit brazilian, duke deklaruar:
“Nuk ishte karton i kuq te Vinicius, portieri i Valencias e shtyu dhe Vinicius reagoi. Duhej të jepej karton i verdhë për të dy. Do ta apelojmë vendimin”, tha Anceloti.
PANORAMASPORT.AL
