Juventus vazhdon të punojë për të siguruar dy anësorë sulmues për t’ia dhënë Tiago Motës. Sipas “Tuttosport”, emrat në krye të listës mbeten dy: Niko Gonzalez dhe Venderson Galeno.
I pari vlerësohet në 35 milionë euro. Bardhezinjtë mendojnë se mund të zvogëlojnë një pjesë të shpenzimeve ekonomike duke luajtur kartën e homologëve teknikë, mbi të gjitha ato të Ueston Mekeni dhe Artur, edhe pse Juvja do të duhej të kontribuonte, nëse negociatat konkretizohen, me një pjesë të pagave të tyre të cilat janë jashtë parametrave të Fiores. Sa i përket Galenos, “Zonja” do të kishte hyrë në perspektivën për të bërë një ofertë të rëndësishme në lidhje me anësorin e Portos.
Luzitanët tashmë kanë refuzuar një ofertë 40 milionëshe nga Notingem Forest, me lojtarin që ka shprehur pëlqimin e tij për destinacionin torinez, duke arritur tashmë një marrëveshje në parim me drejtorin Xhuntoli. Në këtë pikë do të jetë e nevojshme të gjendet një zgjidhje me portugezët sa më shpejt të jetë e mundur. Për më tepër, shpenzimet ekonomike mund të reduktohen ndjeshëm nga përfshirja e Tiago Djalos në këmbim.
PANORAMASPORT.AL
Burimi informacionit @Panorama.al: Lexo me shume ne :bota sot www.botasot.co
