![Ndodh mrekullia/ Fëmija 4-vjeçar fluturon nga kati i 16-të, shpëton pa asnjë dëmtim 2 ndodh mrekullia femija 4 vjecar fluturon nga kati i 16 te shpeton pa asnje demtim](https://botasot.co/wp-content/uploads/2024/08/ndodh-mrekullia-femija-4-vjecar-fluturon-nga-kati-i-16-te-shpeton-pa-asnje-demtim.jpg)
Mrekulli mund të quhet ajo që ndodhi me një fëmijë 4 vjeçar, i cili fluturoi nga kati i 16-të i një ndërtese, 43 metra lartësi, pa pësuar dëmtime.
Enzo, djali 4-vjeçar, mbeti praktikisht i padëmtuar, kur ra nga kati i 16 i një ndërtese në Aubervilliers, në periferi të Paris, Francë.
“Unë nuk isha besimtare, por tani jam,” tha nëna e fëmijës për gazetën franceze Le Parisien.
Ngjarja ka ndodhur më 26 maj: Enzo, i spektrit autik, u mbyll aksidentalisht në dhomën e tij dhe filloi të bërtiste. Prindërit u përpoqën të hapnin derën me forcë, por më kot. Në panik, djali i vogël arriti të ngjitej në dritare dhe u rrëzua.
Me të mbërritur në vendngjarje, babai i Enzos e gjeti djalin e tij ende të ndërgjegjshëm. “Nuk kishte gjak, vetëm një gërvishtje të vogël në këmbë”, tha ai për Le Parisien. I dërguar me urgjencë në spital, djali i vogël qëndroi në terapi intensive për pesë ditë pas disa hemorragjive në veshkat dhe mushkëritë e tij, të cilat u trajtuan menjëherë nga mjekët. Megjithatë, fëmija nuk ka pësuar asnjë frakturë apo dëmtim të trurit. “Mjeku i terapisë intensive më tha se nuk kishte parë kurrë diçka të tillë”, shpjegon nëna e Enzos.
Sot vogëlushi është mirë dhe nuk ka pësuar asnjë pasojë fizike apo psikologjike nga aksidenti, sigurojnë prindërit e tij.
Siç thekson Le Parisien, dy elementë mund të shpjegojnë këtë fund të lumtur: vendi ku ra dhe mosha e tij e mitur.
“Fëmijët kanë një koeficient më të favorshëm të elasticitetit të kockave dhe nyjeve”, shpjegon doktoresha Véronique Bourg, e specializuar në mjekësinë publike dhe rehabilitimin pediatrik në Spitalin Universitar të Grenoble.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co