Në Komisionin e Ligjeve po diskutohet mbi ndryshimet në Kodin Zgjedhor, ndërsa PS dhe PD duket se janë dakordësuar me një variant, i cili pritet të votohet nga Kuvendi.
Gjatë diskutimeve, kreu i PR-së, Fatmir Mediu, u ndal te të drejtat që kanë shtetasit shqiptarë për të zgjedhur dhe për tu zgjedhur. Mediu tha se duhet të ketë mundësi alternative për paraqitjen e kandidatëve.
Kreu republikan ka vënë theksin veçanërisht te mundësia e konkurimit edhe përmes koalicioneve, duke e cilësuar këtë si një mundësi për lëvizjen e politikës.
“Nëse një subjekt politik do ta lërë listën tërësisht të hapur ta lërë të hapur. Në Kushtetutë thuhet jo më pak se 1/3, pra është çështje e vullnetit të partisë.
Partitë që duan ta mbyllin listën për 1/3, dhe pastaj të lënë mundësi për të rinjtë që vijnë e konkurrojnë, se kanë besimin e qytetarëve që u japin votën.
Nëse flasim për demokraci përfaqësuese ne përfaqësojmë jo thjesht partitë, por vullnetin e qytetarëve.
Të paktën të jete e mundshme, të lihet fakultative për çdo subjekt politik, kush do ta ketë të hapur ta ketë të hapur”, tha Mediu.
[embedded content]
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
