Zëdhënësja e Ministrisë së Jashtme ruse Maria Zakharova ka deklaruar sot se vendet e Evropës Veriore që do të pranojnë të mbajnë armë bërthamore amerikane do të konsiderohen si objektiva legjitime ushtarake në një konfrontim të drejtpërdrejtë midis Moskës dhe NATO-s.
Komentet vijnë pasi presidenti i sapozgjedhur i Finlandës Alexander Stubb u shpreh se anëtarësimi në NATO e pajis vendin e tij me një “parandalues të vërtetë bërthamor” në formën e raketave amerikane.
“Nuk duhet të jesh planifikues ushtarak për të kuptuar se objekte të tilla do të jenë burim kërcënimi të drejtpërdrejtë dhe, natyrisht, do të përfshihen në listën e objektivave legjitime të përcaktuara nga skenari i një përplasjeje të drejtpërdrejtë ushtarake midis vendit tonë dhe vendit tonë dhe NATO”, tha Zakharova.
Në kundërshtim me pritjet e disa zyrtarëve të nivelit të lartë, vendosja e armëve bërthamore të SHBA do të përkeqësojë sigurinë e vendeve pritëse, në vend që ta forcojë atë, theksoi diplomatja ruse.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
