![Nëntë persona humbin jetën në Zanzibar, ja arsyeja e pazakontë 2 nente persona humbin jeten ne zanzibar ja arsyeja e pazakonte](https://botasot.co/wp-content/uploads/2024/03/nente-persona-humbin-jeten-ne-zanzibar-ja-arsyeja-e-pazakonte.jpg)
Tetë fëmijë dhe një grua kanë vdekur pasi hëngrën mish të breshkave të detit në arkipelagun e Zanzibarit.
Skynews ka raportuar të dielën se në spital janë shtruar 78 persona pasi u ushqyen me këtë lloj mishi, që në brigjet e Afrikës Lindore thuhet se përgatitet me delikatesë.
Por, ngrënia e breshkave të detit të kontaminuara mund të shkaktojë kelonitoksizëm, një lloj helmimi i rrallë ushqimor që mund të shkaktojë vdekjen. Haji Bakar, zyrtar i spitalit në Mkoani ka njoftuar se pacientët kishin ngrënë mish të martën.
Autoritetet kanë bërë thirrje të shmanget ky mish.
Zanzibari shtrihet 35 kilometra nga brigjet e Afrikës lindore-qendrore.
Ai është pjesë e Republikës së Bashkuar të Tanzanisë dhe numëron mbi 700 mijë banorë.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co