“Nëse nuk përgjigjeni për 24 orë…”- Zbulohet skema e mashtrimit për vjedhjen e llogarive bankare të shqiptarëve, Policia ngre alarmin

dsaadmin September 16, 2024 in Bota - 2 Minutes

nese nuk pergjigjeni per 24 ore zbulohet skema e mashtrimit per vjedhjen e llogarive bankare te shqiptareve policia ngre alarmin

Një skemë mashtrimi për vjedhjen e të dhënave personale e llogarive bankare të qytetarëve shqiptarë është zbuluar nga Policia e Shtetit.

Sipas monitorimeve nga Sektori për Hetimin e Krimeve Kibernetike, janw konstatuar mesazhe të maskuara si ato të kompanisë Meta Platforms, drejt numrave të telefonit, për konfirmimin e të dhënave në rrjetin social Facebook, të lidhura me shërbimin Facebook Ads.

Në këto mesazhe pretendohet verifikimi i llogarive në Facebook ose në të kundërt, llogaria do të mbyllet.

Mesazhet mashtruese kanë si synim orientimin e poseduesve të llogarive drejt linqeve mashtruese me qëllim marrjen në posedim të llogarive të personave të mashtruar, në mënyrë të padrejtë.

Sektori për Hetimin e Krimeve Kibernetike në DVP Tiranë, u bën thirrje qytetarëve të paraqiten pranë zyrave të tyre nëse mund të preken nga dërgimi i këtyre mesazheve.

Njoftimi i policisë

Sektori për Hetimin e Krimeve Kibernetike në DVP Tiranë gjatë monitorimit të vazhdueshëm të burimeve të hapura të informacionit dhe platformave virtuale, me qëllim evidentimin e veprimtarive të kundraligjshme kryesisht në fushën e krimeve kibernetike, ka konstatuar mesazhe të maskuara si ato të kompanisë Meta Platforms, drejt numrave të telefonit, për konfirmimin e të dhënave në rrjetin social Facebook, të lidhura me shërbimin Facebook Ads, (por jo vetëm).

Në këto mesazhe pretendohet verifikimi i llogarive në Facebook ose në të kundërt, llogaria do të mbyllet.

Mesazhet mashtruese kanë si synim orientimin e poseduesve të llogarive drejt linqeve mashtruese me qëllim marrjen në posedim të llogarive të personave të mashtruar, në mënyrë të padrejtë.

Sektori për Hetimin e Krimeve Kibernetike në DVP Tiranë bën thirrje që në qoftë se jeni ose dyshoni se mund të jeni i prekur nga dërgimi i këtyre mesazheve, të paraqiteni pranë zyrave tona, si dhe këshillon që të mos kryeni asnjë veprim kundrejt këtyre mesazheve, të cilat mund të vijnë nga numra kryesisht të huaj.