Kryeministri izraelit Benjamin Netanyahu i paraqiti të ashtuquajturit këshilli të sigurisë të qeverisë së tij planin e tij të përafërt për kontrollin e Rripit të Gazës pas përfundimit të luftës me Hamasin. Kështu thuhet në një raport të publikuar nga gazeta Times of Israel.

Plani parashikon që në “ditën e ardhshme” të luftës, e gjithë zona bregdetare të administrohet nga ushtria izraelite. Përmendet gjithashtu, se qeveria do të merret në dorë nga “zyrtarë lokalë” me “përvojë në administratën publike”, njerëz pa lidhje “me vende ose entitete që mbështesin terrorizmin”.

Autoriteti Palestinez, i cili qeveris një pjesë të Bregut Perëndimor të pushtuar, nuk përmendet në mënyrë eksplicite në plan, thotë botimi, megjithatë, shton gazeta, pjesëmarrja e tij në qeverisjen e Rripit të Gazës në të ardhmen nuk përjashtohet. Shtetet e Bashkuara po propozojnë që Autoriteti Palestinez i “reformuar” i Mahmud Abbas të marrë kontrollin e Rripit të Gazës, por qeveria izraelite po refuzon krijimin e asaj që thotë se është “Fatahstan” (pas fraksionit të zotit Abbas, Fatah), ndërsa akuzon PA për “mbështetje të terrorizmit”. Megjithatë, kohët e fundit, kryeministri Netanyahu u duk se përjashtoi zbatimin e idesë së ministrave të tij të ekstremit të djathtë për një vendbanim të ri izraelit në Rripin e Gazës.

SHBA, aleati kryesor i Izraelit, është në favor të zgjidhjes me dy shtete, Izraelit dhe Palestinës. Por Netanyahu kundërshton zgjidhjen me dy shtete dhe deklaron se ushtria izraelite do të mbajë kontrollin e plotë të Bregut Perëndimor dhe Rripit të Gazës.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co