Sipas një raporti, Presidenti Joe Biden mbetet i hidhëruar ndaj drejtuesve të demokratëve që organizuan largimin e tij nga gara presidenciale e 2024-ës, edhe pse partia e mbështeti masivisht si kandidaturë në Konventën Kombëtare Demokratike (DNC).
Biden mbetet i frustruar që ish-presidenti Obama nuk i tha ballë për ballë mendimin se ai duhej të largohej, por veproi me ndikimin e tij prapa skenave, raportoi Politico të martën.
Biden është gjithashtu i zemëruar me ish-kryetaren Nancy Pelosi, e cila luajti rolin kryesor për të detyruar Biden të tërhiqej. Gjithashtu ai është i mërzitur me Chuck Schumer.
Shtëpia e Bardhë nuk iu përgjigj menjëherë një kërkese për koment nga Fox News Digital.
Një burim i Shtëpisë së Bardhë tha për Politico se Biden e sheh Pelosin si “të pamëshirshme” pas ngjarjeve të korrikut.
Lajmet për zhgënjimin e Bidenit vijnë ndërsa Partia Demokratike planifikon një festë masive për Biden në DNC. Vetë anëtarët e partisë që e detyruan të largohej, tani e përshëndesin atë si një burrë shteti të moshuar.
“Presidenti Joe Biden është një amerikan patriot që gjithmonë ka vendin e tij në rradhën e parë. Vizioni i tij, vlerat dhe lidershipi e bëjnë atë një nga presidentët më të rëndësishëm në historinë amerikane,” shkroi Pelosi në korrik vetëm pak çaste pasi Biden njoftoi tërheqjen.
“Me dashuri dhe mirënjohje për Presidentin Biden që gjithmonë besoi në premtimin e Amerikës dhe u dha njerëzve mundësinë për të arritur përmbushjen e tyre”, shtoi ajo. “Zoti e bekoi Amerikën me madhështinë dhe mirësinë e Joe Biden”.
Por agjenda e DNC zbulon se si demokratët planifikojnë të zyrtarizojnë transferimin nga Biden te zv.Presidentja Kamala Harris. Biden do të mbajë fjalimin e tij të hënën në mbrëmje pas Hillary Clinton dhe të tjerëve. Dy ish-presidentë të tjerë demokratë do të dalin në skenë netët në vijim, me Obaman në krye të së martës dhe Bill Clinton të mërkurën, i ndjekur nga guvernatori i Minesotës, Tim Walz. Harris do të dalë në skenë të enjten, duke përfunduar tranzicionin.
Pelosi foli nëse ajo beson se ka një mënyrë për të riparuar marrëdhëniet e saj me Biden pas grushtit të shtetit kundër tij.
“A ka një rrugë kthimi për miqësinë tuaj?”, u pyet Pelosi nga ish- sekretarja e shtypit e administratës së Bidenit, gjatë një segmenti të emisionit të saj në MSNBC “Inside with Jen Psaki” që u transmetua të dielën.
Pelosi e përqendroi vëmendjen e saj në dashurinë e brezave që ka familja e saj për Biden dhe në ruajtjen e trashëgimisë së presidentit të 46-të kur iu përgjigj pyetjes.
“Në familjen tonë, ne kemi tre breza dashurie për Joe Biden. Burri im dhe unë, natyrisht, e kemi njohur për një kohë shumë të gjatë – respektojmë atë, e duam atë dhe Jill. Ai dhe Jill janë kaq të jashtëzakonshëm dhe Familjen e tyre fëmijët tanë i kanë dashur gjithmonë”.
“Por gjëja më e rëndësishme që duhet të bëjmë është të fitojmë zgjedhjet, vetëm për të mbështetur trashëgiminë e tij dhe për të pasur trashëgiminë për të bërë edhe më shumë në presidencën dhe zv.presidentes e Kamala Harris dhe Tim Walz”, vazhdoi Pelosi.
Përfaqësuesit e Obamës dhe Schumer nuk iu përgjigjën menjëherë kërkesave për koment.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
