Një shfaqje që u hap në Londër këtë javë u desh të ndalohej përkohësisht pasi anëtarët e audiencës u ndjenë keq gjatë një skene grafike që përshkruante një abort.
Stafi i Teatrit të njohur Almeida në Islington, në veri të Londrës, u detyrua të pezullonte prodhimin e tij të “The Years” për një kohë të shkurtër të hënën pasi anëtarë të shumtë të audiencës kërkuan ndihmë.
Shfaqja, e cila zgjat një orë e 55 minuta pa interval dhe është drejtuar nga Eline Arbo, bazohet në “Les Années”, autobiografinë e shkrimtares franceze fituese të çmimit Nobel, Annie Ernaux. Sipas faqes së internetit të Almeida, pesë aktore – duke përfshirë Romola Garai dhe Gina McKee – “sjellin në jetë historinë personale dhe politike të një gruaje, të vendosur në sfondin e një Evrope të pasluftës që ndryshon me shpejtësi”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
