Numri i të vdekurve nga sulmi terrorist i së premtes së kaluar në Moskë u rrit në 139, duke përfshirë tre fëmijë, sipas kreut të Komitetit Hetues të Rusisë.

“Rezultatet fillestare të hetimit tregojnë se sulmi ishte planifikuar dhe përgatitur me kujdes. Sulmi vrau 139 persona. Nga këta, 75 janë identifikuar sot. Mes të vdekurve janë tre fëmijë. Identifikimi i të vdekurve vazhdon,” tha Alexander Bastrykin.

Bastrykin tha gjithashtu se 182 persona u plagosën.

Në vendin e sulmit u gjetën dy pushkë sulmi AK-74, mbi 500 fishekë, 28 karikatorë fishekësh dhe shishe që përmbanin gjurmë benzine.

“Gjithashtu, nga hetimi u identifikuan dhe ndaluan tre persona të tjerë që ndihmuan në përgatitjen e sulmit terrorist: siguruan një apartament për banim, një makinë për transport dhe transportuan mjete. ” ai shtoi.

Bastrykin shtoi se terroristët arritën në sallën e koncerteve rreth orës 19:58 me orën lokale dhe u larguan nga ndërtesa në orën 20:11, duke thënë gjithashtu se sulmuesit e kapur kishin pranuar krimet e tyre.

“Përveç kësaj, janë kryer më shumë se 200 kontrolle, sekuestrime, gjatë të cilave janë sekuestruar mbi 1,000 objekte të ndryshme të rëndësishme për hetimin”, tha ai.

Burimi informacionit @BalkanWeb: Lexo me shume ne : Bota Sot News botasot.co