Anëtari i Kryesisë të PD-së Belind Këlliçi ka publikuar disa foto nga qytetarët e njësisë 5 në Tiranë.

Këlliçi shprehet se të enjten në orën 20:00, opozita do të mbajë protestën e madhe kundër keqqeverisjes. Ai shprehet se Shqipëria duhet t’i kthehet normalitetit dhe kryeministri duhet të ikë një orë e më parë.

“Tirana gati për protestën e ditës së enjte, datë 11 korrik, ora 20:00. Me banorët e Njësisë nr.5 sot ishim të gjithë në një mendje, se Shqipëria tashmë duhet ti rikthehet normalitetit dhe se Edi Rama duhet të largohet një orë e më parë.

Ekonomia e rrënuar, shëndetësia e shkatërruar, arsimi i degraduar, mungesa e rendit e sigurisë dhe shpopullimi, janë arsyet kryesore që Tirana do derdhet në bulevard më shumë se kurrë.

Qeveria teknike dhe zgjedhjet e lira dhe të ndershme janë kura e vetme për të dalë nga kjo situatë.

O sot, o kurrë🇦L”, shprehet Këlliçi.

(Balkanweb)

Burimi informacionit @BalkanWeb: Lexo me shume ne : Bota Sot News botasot.co