OKB-ja paralajmëron për rrezikun e urisë në 14 zona në të gjithë Sudanin

Kombet e Bashkuara paralajmëruan për rrezikun e urisë në 14 zona në të gjithë Sudanin.

“Rreziku i urisë kërcënon banorët, njerëzit e çrrënjosur nga lufta dhe refugjatët në jo më pak se 14 zona që mbulojnë shtetet e Darfurit të Madh, Kordofanit të Madh dhe Al Jazira, si dhe pikat e nxehta në Khartoum”, tha OKB.

“Aq më keq, 755,000 njerëz përballen me kushte ‘katastrofike’ të fazës së pestë në 10 shtete, duke përfshirë Darfurin e Madh, si dhe Kordofanin Jugor dhe Verior, Nilin Blu, Al Jazira dhe Khartoum,” tha OKB.

OKB vuri në dukje se 8.5 milionë njerëz, ose 18 për qind e popullsisë së përgjithshme të Sudanit, tani vuajnë nga niveli “emergjent” i fazës së katërt të pasigurisë ushqimore.

Sudani është përfshirë në një konflikt vdekjeprurës midis Forcave të Armatosura sudaneze dhe Forcave të Mbështetjes së Shpejtë paraushtarake që nga mesi i prillit 2023, i cili ka marrë më shumë se 16,650 jetë, sipas raportit të situatës në Sudan të përditësuar nga Zyra e OKB-së për Koordinimin e Çështjeve Humanitare.

(A.A/BalkanWeb)

Burimi informacionit @BalkanWeb: Lexo me shume ne : Bota Sot News botasot.co