Të paktën 10 persona raportohet se janë vrarë pasi predhat izraelite goditën një qendër të shpërndarjes së ushqimeve në kampin e refugjatëve Jabalia në veri të Gazës, ku tanket dhe trupat izraelite po vazhdojnë një ofensivë tokësore, raporton “BBC”.
Agjencia e OKB-së për Refugjatët Palestinezë (UNRWA) tha se predhat goditën brenda dhe jashtë qendrës të hënën në mëngjes, ndërsa njerëzit e uritur po përpiqeshin të merrnin ushqime.
Ushtria izraelite tha se po e shqyrtonte incidentin, duke shtuar se operon “vetëm kundër objektivave terroriste”.
