Ish-ministrja e Drejtësisë, Etilda Gjonaj ka preferuar që këtë javë të vijë në Parlament pa shumë zhurmë dhe pa kolegë të saj, siç e kemi parë shpeshherë në javët e mëparshme.
Deputetja e Tiranës ka zgjedhur që këtë herë të vijë e vetme, duke nxituar hapat për te salla e seancës plenare. Por nuk kishte sesi të mos na binte në sy edhe çanta që ajo kishte zgjedhur.
Me gjasa, deputetja sapo do të jetë rikthyer nga ndonjë udhëtim në Pragë, pasi çanta që mbante në krah ishte pikërisht një çantë lecke, me emrin e Pragës dhe pamjet e qytetit. Një aksesor ky, që shpeshherë turistët blejnë në vendet ku vizitojnë.
Nuk e dimë nëse Etilda sapo është rikthyer nga ky qytet dhe pasi është dashuruar me atë vend, ka vendosur që të sjellë një copëz Prage edhe në Tiranë. Duhet thënë se një aksesor të tillë në një institucion nuk na ndodh shpesh të shohim.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
