Ministri izraelit i Mbrojtjes, Yoav Gallad paralajmëroi të enjten se Izraeli do të luftojë Hezbollahun “me të gjitha forcat” nëse vazhdon sulmet e tij, duke iu referuar shkëmbimit të përditshëm të zjarrit në kufi që ka vazhduar që pas sulmit të 7 tetorit nga Hamasi kufiri libanez-izraelit.
“Ne nuk do të lejojmë që organizata paraushtarake e Hezbollahut të destabilizojë kufirin dhe rajonin. Nëse Hezbollahu vazhdon agresionin e tij, Izraeli do ta luftojë atë me të gjitha forcat e tij”, tha Gallad në një mesazh të përkthyer në arabisht drejtuar popullatës libaneze, të publikuar dje nga shërbimet e tij.
“Mos harroni se sa shumë (udhëheqësi i Hezbollahut, Hassan) Nasrallah u pendua për aventurën e rrezikshme dhe të pamatur të gushtit 2006, mësoni nga e kaluara në mënyrë që një skenar i rrezikshëm të mos përsëritet në gusht 2024,” vazhdoi Gallad, duke iu referuar luftës 34-ditore në 2006-ën.
Lufta e verës së vitit 2006, e shkaktuar nga kapja nga luftëtarët e Hezbollahut të dy ushtarëve izraelitë në kufi, kishte marrë jetën e mbi 1200 njerëzve në Liban, shumica prej tyre civilë dhe të tjerë në Izrael, shumica prej tyre ushtarakë. Tensionet midis Izraelit dhe Hezbollahut, i cili në tetor hapi një front në mbështetje të aleatit të tij Hamas, u përshkallëzua më tej pas vdekjes më 30 korrik të një anëtari të lartë të krahut të tij ushtarak, Fouad Shukr, në një bombardim izraelit në një periferi jugore të Bejrutit dhe pasoi të nesërmen me vrasjen e liderit të Hamasit Ismail Haniya në Bejrut.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
