![Pas Noizyt, Policia e Kosovës shpall në kërkim edhe Stresin, kërkon ndihmën e qytetarëve për arrestimin e tij 2 pas noizyt policia e kosoves shpall ne kerkim edhe stresin kerkon ndihmen e qytetareve per arrestimin e tij](https://botasot.co/wp-content/uploads/2024/08/pas-noizyt-policia-e-kosoves-shpall-ne-kerkim-edhe-stresin-kerkon-ndihmen-e-qytetareve-per-arrestimin-e-tij.jpg)
Policia e Kosovës ka kërkuar ndihmën e qytetarëve ditën e sotme në mënyrë që të arrestoje reperin e njohur Stresi, emri i vërtetë i të cilit është Arkimed Lushaj.
Stresi akuzohet se është përfshirë në dhunën ndaj një personazhi të njohur të TikTok-ut para disa ditësh në një klub nate në Pejë, së bashku me reperin tjetër Noizy dhe disa persona të tjerë.
Sipas policisë së Kosovës, Stresi është i kërkuar për veprën penale: “Ndihma” nё kryerjen e “Lёndim i rёndё trupor”.
Vetë ai është shprehur se nuk ka pasur të bëjë me dhunën e ushtruar ndaj personazhit të njohur si Medi Iseni, por përkundrazi, ka ndërhyrë për të mos lejuar që të ketë dhunë.
Njoftimi i Policisë së Kosovës:
Kërkesë për bashkëpunim
Pejë, 06 gusht 2024
Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të kërkuar më autorizimin e Prokurorisë themelore nё Pejё, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.
Personi i kërkuar është:
• Arkimed (Sali) LUSHAJ i lindur me 15.06.1987 nё Bajram Curr- Shqipёri.
I pandehuri është i kërkuar për veprën penale:
“Ndihma” nё kryerjen e veprës penale “Lёndim i rёndё trupor”
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës:
– 192 dhe 080019999 (pa pagesë)
– 039 432 327-Drejtoria Rajonale Pejë
– E-mail adresa: [email protected]
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co