Pasuesi i Osimhen, sulmuesi i Ligue 1 “fikson” Napolin

Napoli është në kërkim të një sulmuesi në verë për të zëvendësuar Victor Osimhen dhe ndër emrat që përmendet në korridoret e zyrave të kampionëve në fuqi të Italisë, spikat edhe ai i Jonathan David, kanadezi që luan për Lille, i pëlqyer nga disa skuadra evropiane.

24-vjeçari Jonathan David ka luajtur 26 ndeshje këtë sezon, ku ka shënuar 15 gola në Ligue 1 dhe ka asistuar 2 herë. Për të, ky është edicioni i katërt në Francë, sakaq më parë ka mbajtur veshur fanellën e Gent.

Napoletanët janë të gatshëm të hyjnë në trativa me Lille dhe një ofertë e lartë mund të ndizte dritën jeshile mes palëve. David është i hapur për një kalim në Itali, pasi asnjëherë më parë nuk ka luajtur në Serie A.