Një gjykatë peruane dënoi të mërkurën 10 ushtarë në pension deri në 12 vjet burg për përdhunimin e nëntë grave dhe vajzave rurale në vitet 1980, ndërsa ushtria luftonte kundër guerilëve maoistë.

Dënimi u vulos pas pesë vjet seanca dëgjimore në rastin e parë në vendin e Amerikës së Jugut për të trajtuar krimet seksuale të kryera nga ushtarët. Aktgjykimet fajtore ndaj këtyre personave janë dhënë në një procedurë të mëparshme. Gjykatësi Rene Eduardo Martinez i dënoi burrat (asnjë prej të cilëve nuk ishte në gjykatë) me gjashtë deri në 12 vjet burgim.

Rasti daton në vitin 1984 kur ushtria ngriti një bazë pranë qyteteve Ande të Manta dhe Vilca në Huancavelica, një nga rajonet më të varfra të Perusë. Shumë nga viktimat ishin të mitura kur u përdhunuan dhe pesë mbetën shtatzënë si rezultat i dhunës seksuale, thanë avokatët e tyre në gjykatë.

Maria, tani 54 vjeçe, ka dy fëmijë që ishin rezultat i përdhunimit. “Shpresojmë që këta kriminelë tani do të shkojnë në burg,” tha ajo.

Sipas Komisionit të së Vërtetës dhe Pajtimit të Perusë, qindra raste të përdhunimit, skllavërisë seksuale, prostitucionit dhe abortit të detyruar u kryen gjatë luftës së vendit 1980-2000 midis forcave shtetërore dhe guerrilëve maoistë. Më shumë se 69,000 njerëz vdiqën ose u zhdukën gjatë konfliktit të brendshëm të Perusë, me abuzime nga të dyja palët, sipas komisionit.

(Balkanweb)

Burimi informacionit @BalkanWeb: Lexo me shume ne : Bota Sot News botasot.co