![Përkujtohet 76-vjetori i masakrës së Koplikut, Massafra: Të miratohet pr/ligji për dënimin e krimeve të komunizmit 2 perkujtohet 76 vjetori i masakres se koplikut massafra te miratohet pr ligji per denimin e krimeve te komunizmit](https://botasot.co/wp-content/uploads/2024/08/perkujtohet-76-vjetori-i-masakres-se-koplikut-massafra-te-miratohet-pr-ligji-per-denimin-e-krimeve-te-komunizmit.jpg)
Në 76 vjetorin e përkujtimit të masakrës së Koplikut nga regjimi komunist ku 4 emra të shquar Dom Aleksandër Sirdani, Dom Pjetër Çuni, Taro Keqi, Nikë Mark Rexha u hodhën në gropën e ujërave të zeza dhe u lanë të vdekur, Unioni Mbarëkombëtar i ish të Përndjekurve Politik kërkoi nga Malësia e Madhe dënimin me ligj të krimeve makabre të komunizmit, raportoi për Balkanweb, gazetari Senad Nikshiqi.
Në ceremoni ishin të pranishëm Besim Ndregjoni nga Unioni Mbarëkombëtar i ish të Përndjekurve Politikë, Arqipeshkëve i Shkodrës, Angelo Massafra etj.
Massafra tha se 6 muaj pas kërkesës së kishës katolike për një projektligj për dënimin e krimeve të komunizmit, Parlamenti Shqiptar është ende në gjumë. Ai tregoi edhe historinë për tre skeletët e gjetur në gropën e ujëravë të zeza ku u hodhën afro 76 vite më parë.
Masakra e Koplikut u përkujtua edhe në kuadër të 23 gushtit, ditës së shiritit të zi e cila është dita europiane e Kujtesës së krimeve komuniste, naziste, fashiste e staliniste.
Vera e vitit 1948 në Koplik u mbyll në mënyrën më gjakatare të mundshme. Për më shumë se një muaj popullsia civile e Malësisë së Madhe, e njohur për qëndrimin antikomunist, u terrorizua dhe shumë burra e gra u rrahën, u torturuan dhe u vranë.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co