Bota Shqiperia

Përmbytjet në Durrës/ Ministria e Mbrojtjes: Ka prani të ujit në një numër të konsiderueshëm banesash, evakuohen disa familje











































Një ditë pas përmbytjeve në Durrës, vazhdon puna nga forcat në terren për largimin e ujit nga zonat e prekura nga reshjet intensive të shiut, në një pjesë të bashkisë së Durrësit.

Screenshot_1

Sipas ministrisë së Mbrojtjes problematika më të theksuara kanë rrugët dytësore në zonën e Durrësit të Ri, Shkozetit, Gjykata e Apelit, pjesërisht Zona e Plazhit.

  • Ka prani të ujit në një numër të konsiderueshëm banesash dhe ambientet publike.
  • Eshtë bërë evakuimi i disa familjeve, të cilat janë akomoduar te Kavalishenca.
  • Sipërfaqja e tokës bujqësore nën ujë llogaritet në rreth 40 Ha.
  • Ka një rritje të lehtë të niveleve të lumenjve Ishëm dhe Erzen, por pa rrezik për daljen nga shtrati.
  • Hidrovorët në Hamallaj dhe Porto Romano vijojnë punën me kapacitet të plotë
  • Në terren janë të angazhuara forca nga MZSH, Autoriteti Portual, Bordi i Kullimit, ndërmarrjet e punëve publike të bashkisë.
  • Në mbështetje të forcave në terren janë angazhuar 2 pompa thithëse me kapacitet të lartë dhe 3 kamionë të kalueshmërisë së lartë nga Forcat e Armatosura.
  • Gjatë natës kapacitetet nga FA u përforcuan edhe me 2 pompa të vogla nga batalioni i mbështetjes Poshnjë, të cilat janë duke punuar për largimin e ujit te IEPV Durrës.

Grupet e punës janë në terren për identifikimin, vlerësimin dhe raportimin e saktë të dëmeve.

NDIQE LIVE “PANORAMA TV” © Panorama.al





Te lidhura

Similar Posts