Presidenti Bajram Begaj ka dekretuar emërimin e Donika Hoxhës si ambasadore e Shqipërisë në Kroaci.
Hoxha gjithashtu do të jetë përfaqësuese e Shqipërisë edhe në Bosnje Hercegovinë.
Në dekret thuhet se Hoxha do të jetë rezidente në Kroaci.
D E K R E T
PËR EMËRIM AMBASADORI NË DETYRË
Në mbështetje të nenit 92, shkronja “dh”, nenit 93 të Kushtetutës, si dhe nenit 26, pika 2 të ligjit nr. 23/2015, “Për shërbimin e jashtëm të Republikës së Shqipërisë”, me propozim të Kryeministrit,
D E K R E T O J:
Neni 1
Zonja Donika Hoxha emërohet Ambasador i Jashtëzakonshëm dhe Fuqiplotë i Republikës së Shqipërisë në Republikën e Kroacisë, rezident, si dhe Ambasador i Jashtëzakonshëm dhe Fuqiplotë i Republikës së Shqipërisë në Bosnjë dhe Hercegovinë, jo rezident.
Neni 2
Ky dekret hyn në fuqi menjëherë.
Dekret nr. 388
Tiranë, më 5.11.2024
PRESIDENT I REPUBLIKËS
BAJRAM BEGAJ
